wordpress woocommerce mongolian bank gateways

Wordpress хэмээх гайхалтай нэгэн бүтээлийг дэлхий төдийгүй Монголчууд ч гэсэн ихээр хэрэглэж вэб сайт бүтээж байгаа билээ. Үүний нэгэн нэмэлт болохWoocommerce нь wordpress дээр онлайн дэлгүүр хийх боломж олгодог алдартай нэмэлт (plugin) юм.
Woocommerce ашиглан онлайн дэлгүүр хийхэд Монголын банкуудтай холбодог gateway plugin хараахан байхгүй нь жоохон асуудалтай байлаа. Энэхүү асуудалыг вэб хөгжүүлэгч Шинэхүүтэй хамтран шийдлээ.

Харин одоо

• Хаан банк
• Голомт банк
• Төрийн банк (ХХБ болон бусад бүх жижиг банкнуудын картаар гүйлгээ хийх боломжтой)
• Худалдаа хөгжлийн банк  (Хаан банкнаас бусад банкнуудын картаар гүйлгээ хийх боломжтой)

гэсэн банкуудтай холбох нэмэлт бэлэн боллоо.
Хэрэв дээрх нэмэлтүүд хэрэгтэй бол холбогдоно уу.

Вэб сайтаа гүүглийн хайлтад эхний хуудсуудад оруулахын тулд яах ёстой вэ?

Кодын түвшинд:

1. Веб сайт чинь кодын хувьд хайлтын системд индекслэгдсэн байх ёстой.
2. Веб сайт чинь хурдан уншдаг, ашиглахад амар байх ёстой.
3. Веб сайтын чинь хаяг /url, link/ ухаалаг байх ёстой. / http://yoursite.mn/?p=2 гэж биш http://yoursite.mn/travel-mongolia гэсэн байдалтай байх ёстой/
4. Google webmastertools-д бүртгүүлэн алдаагүй болгох хэрэгтэй.
5. XML Sitemap, rss feed зэргийг байгаа эсэхийг шалга.

Контентын түвшинд:

1. Хайлтын үгээ сайн судалж байж сонго. Жишээ нь travel mongolia гэсэн үг сонголоо гэхэд энэ үгээр эхлээд хайж үзээд хамгийн түрүүнд гарч ирсэн сайтаас илүү байж чадах уу гэдгээ бод. Чадахгүй бол best travel company in mongolia гэх мэт арай өөр үгэн дээр төвлөр.
2. Веб сайтаа амьд байлгах хэрэгтэй. Танилцуулга сайт бол блог гэсэн хэсэг нээж, түүндээ байнга компанитайгаа холбоотой мэдээлэл оруулж байх.
3. Бусад мэдээлэлтэй давхцахгүй unique контент оруул.
4. Контентдоо хүмүүсийн хайж болох үг хэрэглэ. Жишээ нь: "Алим арилгах 5 арга" гэсэн гарчигийн оронд "Алимыг хэрхэн арилгах вэ?" гэсэн гарчиг өгвөл илүү олон хүн уншиж магадгүй.
5. Зургаа нэрлэхдээ утгатай нэрлэ. Alt атрибютад нь зургийн тайлбарыг бичиж өг. /asdfaf.jpg гэж биш ногоон-алим.jpg гэж нэрлэ./
6. Контентдоо дотоод линк аль болох их ашигла. Өөрөөр хэлбэл нэг мэдээн дотроо өмнөх мэдээнийхээ линкийг оруулж өг.
7. Бусад сайтууд дээр өөрийн сайтын линкийг оруулж өг. News.mn, gogo.mn зэрэг сайтууд дээр өөрийн сайтын линкийг оруулж өгснөөр танай сайтын дээгүүр гарч ирэх байдал нэмэгдэнэ. гэх мэт судлаад байвал их юм бий.